Ime sela Bliškovo po predanju koje se sačuvalo među mještanima vodi porijeklo od riječi "Bli(ž)š-kovo" što označava "mjesto koje se nalazi u "blizini" - "Bliš" nekog mjesta, odnosno Brskova, u kojem se kovao novac. Sigurno je jedno, da naziv Bliškovo ima veze sa „kovanjem“ jer se u selu do danas sačuvao toponim Kovačevac.
U Bliškovu se nalazio manastir posvećen Vavedenju Presvete Bogorodice. Nalazi se na mjestu Manastirovina na Zećovini. Danas je ovaj manastir, koji je poznat u literaturi kao manastir Bliškovo, obnovljen.
Po predanju koje se očuvalo, manastir Bliškovo je podigao knez Vukan.
Kružna pješačka tura od Bliškova i izvora rijeke Ćehotine ka Ponikvicama u trajanju od oko 11-12 km. Staza prolazi pored borove šume i nakon blagog uspona stižemo do Ponikvica gdje ćemo imati piknik u prirodi. Nakon piknika i predaha nastavak šetnje kruznim putem i kroz seoske predjele.
Polazak sa dogovorenog mjesta u 9:00 casova. Povratak u popodnevnim časovima.
Od opreme, potrebno je ponijeti: šuškavac, par majica za presvlačenje, gojzerice ili patike, krema za sunčanje i šešir/kačket, 1.5l vode, mada ima i izvora gdje se može dopuniti voda.
Minimalan broj za ostvarenje ture su 3 osobe.